【開卷有益?】未出game 先侵權 香港出版社坐時光機出鬼書攻略

3iGAME 於 24/01/2018 發表 收藏文章
遊戲攻略做法就當然係玩完隻game 之後講解,教唔同玩家遊戲玩法,但如果遊戲未出又點做到攻略呢?《Monster Hunter World》 星期五先出,但今朝喺香港唔同書報攤就出現左一本 《Monster Hunter World》 攻略!到底隻game 未出又點寫攻略?定係其實香港某d出版社已經發明左時光機?呢個充滿玄學同哲學嘅問題,我地今日就搶先為大家分析下。

首先當然要睇下呢本攻略咩料,68大元嘅攻略本,書嘅厚度仲薄過放喺旁邊嘅手機down app 攻略。不過攻略大家都知貴精不貴多,打開入面有咩睇呢?分別係有地圖啦、魔物介紹、仲有mh 回顧咁,但大家唔好以為介紹係講打咩部位有咩跌、邊d 位易d 斬呢類資料喎,而係單單講下條龍叫咩名,外觀係點之類…


呢本咁神嘅攻略背面就咩資料都無,無作者,出版社就叫做「電玩文庫出版社」,最重要係無授權字句。根據返網民人肉起底,發現呢本書嘅barcode 係一本已結業遊戲週刊專出特別號專用既barcode,咁本書邊位老前輩寫咁相信大家都應該估到。


以一款未推出正式版嘅遊戲、玩完demo 就當正式版,仲要出本無乜內容嘅擬似盜版刊物出黎吸金,師兄,真係學任達華咁講:「成個行業比你搞彎曬!」

轉載自3iGAME

留言


請按此登錄後留言。未成為會員? 立即註冊
    快捷鍵:←
    快捷鍵:→