細數那些年的經典Facebook小遊戲(上) 文字

IT狗於 17/07/2017 發表 收藏文章
各位網友,大家仲有冇去《開心水族箱》睇吓同餵吓自己d魚呢?當日惜心栽種左唔少農作物既《開心農場》又荒廢左幾多年呢?曾經有段時間Facebook既小遊戲都受到眾多用户既歡迎,但隨著時間既推移同手遊既發展,呢堆曾經陪伴我地成長既遊戲漸漸被遺忘甚至無聲無色地消失,而家就等我地一齊回顧吓大家當年都玩過既經典Facebook遊戲:

《開心農場》
大家仲記唔記得那些年去朋友農場「偷菜」既日子呢?玩家可以係開心農場入邊扮演農民播種、收割,係虛擬農場「種菜」、「賣菜」同「偷菜」,從而賺取農民幣同成就感。呢隻game係2008年11月推出,至今已經有差不多有九年歷史,隨住其他網頁同手機app出現左類似既農場遊戲,因此《開心農場》流失左唔少玩家,隻game正因為咁而逐漸末落,甚至係2014年一度傳出終止營運既消息,當時官方極力澄清呢個係不實傳言,仲保證會繼續更新。但係,苦苦支撐既《開心農場》終於走到盡頭,近日官方營運團隊宣佈將於2017年9月25日關閉農場遊戲,同時感謝玩家多年黎既支持,一代經典既Facebook小遊戲就此進入倒數階段。

近日登入《開心農場》既遊戲畫面,可以睇到畫面既上方出現左一條淺藍色既公告(紅框示),內容如下

《樓一棟》
《樓一棟》係一款模擬經營既遊戲,玩家可以選擇開蛋糕店、髮型屋、瑜珈館或者Spa店,仲可以搶其他玩家既客人同偷佢地既錢,藉此體驗創業既快感。全盛時期既《樓一棟》吸引左超過四百萬名Facebook用户成為玩家,但《樓》既缺點係玩法千篇一律,隨住遊戲既熱潮減退,《樓一棟》漸漸流失左唔少玩家,相關既營運團隊最終係2014年11月25日結束《樓一棟》既營運。

The Sims Social
EA係2011年推出左呢款Facebook遊戲,玩法同其他《模擬市民》系列大同小異,登錄Facebook初期都吸引左唔少玩家。但好景不常,隻game只係維持左短短兩年就收左皮。

《開心水族箱》
《開心水族箱》係Facebook上為數不多既元祖級遊戲,同時期出現既遊戲好多都已經消失左,但呢個水族箱依然屹立不倒。玩家可以係遊戲入邊飼養不同種類既魚,餵飽d魚佢地就會生產出寶石,呢隻係2009年中出品既老牌遊戲已經到左第八個年頭,但奈何聲勢已大不如前,流失左大量玩家既《開心水族箱》相信亦難逃結束既命運......

《動物樂園》
玩家記得曾經係2009年尾接觸過呢隻game,玩法同《開心水族箱》冇咩分別,唯一分別係飼養對象由魚變成陸上動物,呢隻game存在係Facebook兩至三年之後便無聲無色地消失左,亦可能因為咁網上亦搵唔到太多關於呢隻game既資料。

唔知各位讀者又有冇玩過呢幾隻遊戲呢?


留言

會員
我要評論
請按此登錄後留言。未成為會員? 立即註冊