[魔鬼在細節] 點會咁so你吖!iPhone官方換電有限制

數碼情報站 於 03/01/2018 發表 收藏文章
之前《Apple淆底喇!Apple將提供電池折扣》就提過Apple可能因為俾人告,所以就淆底推出$228換電優惠,等嗰啲受到因為電池耗損而iPhone性能被強制降低嘅用家,可以平平哋換返舊電,部機就唔會再lag。不過Apple又點會死錯人吖,原來成個政策限制多多。


首先,因為Apple只係公開承認過會被限制性能嘅只係iPhone 6及之後嘅機種,所以iPhone 5s及之前嘅機種,同埋iPad系列都唔會受惠於$228換電嘅優惠。另外電池壽命要低於80%先會受惠,呢點都比較合理。最後,如果手機換過副廠電池,官方係唔受理。


喂大佬,你之前又冇講過部機會因為舊電而限制部機嘅性能,如果之前因為留意到呢個問題而去換電嘅,副廠你又唔受理,經你官方換又唔會作出補償,仲未計唔知原來關舊電事,俾你fake咗換新機嘅用家。另外,唔少用家都發現iPad其實都有類似情況,但今次又唔包。外國有消息指因為舊電老化而限制性能呢個問題,用家對Apple嘅訴訟已經增至17單,似乎Apple今次都冇可能簡簡單單咁解決。

留言


請按此登錄後留言。未成為會員? 立即註冊
    快捷鍵:←
    快捷鍵:→