[LOL電競消息]韓國賽區LCK第三種子今日出爐!到底係KT?or SSG? 圖片

電競新聞專區於 02/09/2017 發表 收藏文章
今日上演既戲碼係[世界亞軍]SSG對上[夢幻戰艦]KT,兩隊實力其實算係差唔多,今季賽季排名分別係第二(KT)同第三(SSG),而且都不約而同咁係今季季後賽輸左比SKT,到底邊隊可以拎到代表韓國出戰S7世界賽既最後一個資格呢?


賽前大家都認為,呢個系列賽將會發生一場惡鬥,KT甚至係被睇高一線,但打起上嚟就完全唔係嗰回事,先講第一場,B/P方面,由下圖可以見到SSG拎到克黎思妲同科加斯,牌面上分明就是要跟KT打後期,加上札克同露露,滿裝之後可以話係冇得打,因為前排太坦,根本打不死。相反KT中路選用上塔利亞,呢隻前期遊走能力極高,但後期輸出不足既角色,配合上酒桶同銳空呢2隻超強強開角,前中期可以話掌握所有比賽既主動權。所以KT要贏比賽一定要在35分鐘前結束,如果唔係必輸!
雖然KT攞到個前中期非常強的陣容,但第一波會戰要等到13分鐘先發生,KT用5人塔殺SSG下路雙人線,但被SSG極致迅速的支援所化解,反而送上己方JG的人頭,呢波會戰對SSG黎講就算輸左,最多都係輸座塔同龍,對於要打後期既SSG黎講影響並不大,但對想在35分鐘GG既KT黎講,實在太傷,雖然只係一個人頭既掉落,但KT調動5人去下路卻毫無成果變相係比機會科加斯時間去發育,而等到13分鐘先打呢場會戰,仲要打輸滾唔起雪球,成為KT整場比賽既敗點。
之後,無錯KT係利用酒桶同銳空係野區有不少單捉機會,亦都拎到人頭優勢,曾經將經濟拉開過4K,但正如我上面所講,SSG個陣power spike係35分鐘後。係31分鐘爆發既會戰可以說明一切,KT係野區先捉死SSG中路星朵拉,星朵拉臨死之前只係換到一隻輔助,照道理KT雙carry冇死,又有4K優勢,呢個團應該會贏掛,但KT低估左科加斯既坦度同傷害,比SSG反打一波1換3,再加條巴龍,KT前期優勢化為烏有,後期團戰都根本不可能贏,雖然憑著KT隊員本身極出色既操作同SSG一些失誤將比賽拉到60分鐘,但後期就真係冇得打,最後一波團SSG打出一波1換5,ACE左KT,成功打成1:0。
最後SSG都展現出王者霸氣,將KT呢艘夢幻戰艦以3:0擊落。成功拿到LCK第三種子,恭喜恭喜。目前LCK確定出戰S7世界賽分別有LongZhu Gaming(LZ),SKT同SSG。

留言

會員
我要評論
請按此登錄後留言。未成為會員? 立即註冊
快捷鍵:→