[Meta講解]伊澤瑞爾(EZ)JG 點解會成為新潮流?入嚟睇下咪知~

電競新聞專區 於 18/09/2017 發表 收藏文章
大家好,今日想同大家介紹呢個Meta最潮打法—EZ JG。先同大家講下呢個打法有幾紅先,EZ JG一開始嚟自韓服,之後傳入各大伺服器。好多當紅台主都有玩過EZ JG,而且效果都唔錯(e.g. Peanut、Nightblue3),除此之外,就連職業聯賽都有出場,就係LPL區域選拔賽WE vs IG入面Condi都曾經用過呢個套路。
咁點解呢個打法會突然咁紅呢?我諗大家都知最近Meta上路同打野T1都係以大坦為主(科加斯,茂凱,史瓦妮,札克),所以EZ呢種以poke傷害為主嘅ADC後期完全打不出傷害,但前期又要疊水滴,所以EZ作為carry可以話前後期都打唔出傷害,更令EZ連續2個版本勝率接近最低。所以為左改善佢下路待遇,分別係7.15同7.17版本有過增強,主要減少Q技前期CD同增加Q技AD加成。令EZ前期更強勢,不過都因為Q技CD短左又痛左,加上配合E技風箏野怪,可以接近無損極速清左第一波野怪,再上線gank或入侵野區,因此一躍成為各大選手新寵。
再講下天賦符文方面,見下圖。符文方面就係標準EZ套路,就算係下路都係咁帶,所以我就唔多講。致於天賦方面帶風暴浪湧因為EZ 一套QE+A(普攻)就可以觸發,而且非常適合前期野區拉打同追殺。都有人帶戰鬥狂熱後期輸出就會高D,但EZ JG偏向打前期碰撞攞優勢,所以唔太建議帶戰鬥狂熱(前期未有裝比較難疊)。
出裝方面1lv買打野刀同回復藥水,打野刀有普攻吸血加上回復藥水同拉打野怪,血量可以保持健康狀態。之後上紅色打野刀:戰神。攻速鞋為主,如果落後可選擇水星鞋同忍者鞋。再之後就出三相之力,可以先出左閃耀劍或淨蝕之槌先,兩個被動都好岩EZ,不過對面如果全物攻又自己方又落後可出冰拳(滿足2條件先出!)。以上係EZ標準裝,以下就睇情況出,首先順風嘅話可以再上暮色黑刃,接着到多明尼克的問候切坦,最後上殞落王者增加生存能力。中期出暮色黑刃可以大大加強EZ爆發,RQ配合暮色黑刃被動中基本上對面Carry唔死都殘。落後的話就將暮色黑刃換成魔提斯深淵或守護天使,控制多就轉成水星彎刀。
(出門裝)
(極順風)
(睇情況換)
打野路線方面可以話比較單一,因為EZ體質弱同冇AOE傷清怪,所以一開始唔會食六鳥同雙石,起手會係下面Buff(因為有2人幫開,仲可以叫SUP幫頂一至兩下),三狼,上Buff。有雙Buff之後就可Gank上路或中路,如果2路兵線都推到入塔就入侵對面野區尋找碰撞機會,因為呢個時候你只清3灘野怪,所以你依加入侵,對面一係就係上半野區食緊野怪,比你捉到打一波,一係就係下半野區食緊野怪,咁你就可以反佢野怪,等中上兵線回推再Gank。第一次返屋企應該要出到紅打野刀同升級藥水做獵人藥劑。升左獵人藥劑之後血同魔更加穩定,清野更安全。
千萬記得不要專注農野,EZ前期強大在於碰撞能力,你無損清野已經贏左血量優勢,加上前期傷害高,3lv就係EZ強勢期,一定要找碰撞!!!
總結:
EZ JG優點:第一,前期傷害高,碰撞能力強。第二,可無損清野怪。第三,雙buff加成都有用。
缺點:第一,打野套路單一,容易被對手摸清打野路線,被對手伏擊。第二,清野速度慢,如果前期落後更加難追。

留言


請按此登錄後留言。未成為會員? 立即註冊
  • 麻甩BB 於 19/09/2017 評論 NO. 1

    @Jimmy Yim 多謝你意見,下次我會注意!一係全書面語,一係全廣東話!

快捷鍵:←
快捷鍵:→