WWZ改編遊戲終於有消息,更多遊戲細節釋出

卡關の達人 於 19/03/2018 發表 收藏文章
改篇自同名電影World War Z嘅喪屍遊戲,自從喺The Game Awards 2017公佈後就一直無相關消息,唔講都差啲唔記得有呢隻game開發緊。直至近日,Saber Interactive嘅負責人Matthew Karch接受PlayStation UK嘅訪問,佢喺個訪問到分享咗唔少遊戲嘅細節。


WWZ係第三身射擊遊戲,而非第一身視覺。考慮到喪屍嘅數量係非常龐大,佢哋會有一套預設嘅行為模式。遊戲唔係剩係逃走,而係會有唔同任務提供唔同體驗。電影裡面出現過嘅場境,包括紐約、耶路撒、莫斯科等會喺遊戲推出嘅時候提供,日後會推出更多地圖。


WWZ電影其中一個特點就係啲喪屍移動速度非常高,Karch就咁話:"呢個絕對係遊戲其中一個賣點,另外喪屍群好似電影裡面咁踩住同伴上到一啲喺其他同類遊戲定義為安全區嘅地方,呢啲都會令到我哋顯得獨一無二!無論你係對付單一巨型喪屍、定過千隻喪屍,都係非常過癮!我哋努力嘗試重現返電影嘅畫面,不過唔同嘅係喺電影裡面你會見到主角不斷逃走,而遊戲就會迫你殺啲喪屍,唔會俾你一味走!"


WWZ仍然開發中,予定今年內喺PS4、PC以及Xbox One上推出。

留言


請按此登錄後留言。未成為會員? 立即註冊
    快捷鍵:←
    快捷鍵:→