[減肥神器] 打到你拍都斷,Mario Tennis Ace 6/22推出!

I am Switch-er 於 10/03/2018 發表 收藏文章
NS踏入第二年,喺"完美"放棄成個聖誕新年檔期嚟避世,加上MHW嘅強勢,NS嘅氣勢明顯有所回落。當然,買咁多game又玩唔哂,認真玩Zelda同Mario嘅到呢刻都未必搵得齊種子同月亮,所以好多人索性養精蓄稅等緊隻卡比,又或者等緊4月試下佢個紙皮都好。


過咗Labo,5月會有Donkey Kong,呢隻可能少啲人留意,但到6月就有Mario Tennis Ace喇!上次Direct mini講Summer嘅,我以為要等到8月架,點知今次Direct就公佈6/22出!同以前一樣啦,啲角色都係嚟自Mario系列嘅,但唔知係咪因為要合理化賣¥5980,今集嘅故事模式比往長,叫做多啲嘢玩啦。


講返個系統先,擊球除咗Topspin、Slice同Lob,仲有消耗力量、描住一點打必Zone Shot,本身已經可以打去啲對手難接嘅位,仲要就算接到,接得唔好塊拍會消耗耐力,接得唔好三次塊拍會斷ww。透過精準嘅擊球可以觸發Zone Speed,喺下一次接球嘅時候你嘅周遭會進入Slow Motion,咁就算人哋用Zone Shot都輕鬆回擊啦!頭先提到嘅力量喺正常對打嘅時候慢慢回,亦都可以透過玩花式嘅Trick Shot快速回復!未儲滿行氣出嘅就係Zone Shot啦,儲滿咗先嘅就係Special Shot,一下就拍都打斷你,但就算係Special Shot都可以被Block架ww。


儲氣嘅攻防戰固然之正,但總有人想玩得輕鬆啲架嘛,放心,有得set返做得正常擊球嘅Simple Rules,另外亦都有回歸Wii初心嘅體感mode,仲唔係要買返嚟減肥ww。Mario Tennis Ace同樣有Online Tournament,玩online仲有機會得到特殊服裝同隱藏角色!同場加映,Mario Tennis Ace會有發售前先行大會,記得留意我哋嘅後續報導!

留言


請按此登錄後留言。未成為會員? 立即註冊
    快捷鍵:←
    快捷鍵:→