NS 5.0.0更新釋出,終於可以用Facebook同Twitter嚟加好友

I am Switch-er 於 13/03/2018 發表 收藏文章
任天堂喺今日(3/13)釋出咗NS嘅5.0.0更新,有啲等咗好耐嘅功能終於加落去!先講樣無咁系統性嘅嘢,今次更新新增咗ARMS系列以及卡比系列總共24張新icon,鍾意呢兩個系列嘅朋友要留意喇。


加好友終於唔係剩係靠入code,或者連過機先加到,如果你個fd部機連咗facebook或twitter,你一樣可以透過建議好友嘅功能加佢做好友。以往非常雜亂、睇咗未都唔知嘅news,可以設定為只顯示未讀,亦都可以設定只顯示特定頻道。以往只係連Joy-Con部機先會show顏色,只咩版本嘅Pro掣都係顯示做Pro掣、無顏色之分,而家連Pro掣都會顯示返手把嘅顏色。另外,喺電腦/手機買完game,即使NS喺休眠狀態都可以即刻下載並安裝。


家長監控功能都大躍進,為咗唔俾你個細路靠指紋估到個密碼,而家限制咗輸入密碼只可以靠粒"菇"同撳掣,唔可以靠touch screen。相簿嘅影片亦都可以設定為限制觀看。另外,而家可以直接用Parent Control app設定受限遊戲!

留言


請按此登錄後留言。未成為會員? 立即註冊
    快捷鍵:←
    快捷鍵:→