Nintendo Labo官方詳細介紹,都話唔係你想像咁簡單

I am Switch-er 於 15/02/2018 發表 收藏文章
早排任天堂就喺美國搞咗幾場Nintendo Labo嘅試玩會(詳情:點止紙皮咁簡單?Nintendo Labo玩法超乎你所想! ),唔少外媒都拍哂片,不過點拍片都唔及官方自己出返個詳細介紹咁清楚,今日(2/15)官方就一次過出咗3條片詳細介紹Labo嘅製作方法同玩法。


第一條片就係介紹返Labo嘅製作方法,首先係Make,其實都唔算難整,重點係唔使用鉸剪、唔使用膠水,摺就得!入到game會有條片教你唔同Toy-Con係點砌。跟住Play下面會詳細講。最後Discover,除咗有得玩之外,game入面仲有解釋返個原理俾你聽!仲有個Toy-Con Garage,除咗原有玩法,大家仲可以自製新玩法,例如你set咗一邊Joy-Con撳邊粒掣等如撳緊邊個Chord,另一邊就係用彈嘅動作,你攞住個掃把都可以彈結他!當然仲有就係你諗砌完出嚟唔靚架嘛,咁佢只係紙皮,你梗係可以自己畫啲嘢上去啦ww。


第二條片就係介紹Toy-Con 01 Variety Kit,呢set包含5款嘢,包括RC Car、Fishing Rod、House、Motorbike同Piano。

先講RC Car,好明顯就係搖控車,本來以為只係普普通通咁控對Joy-Con震佢咪郁囉,但除咗用個screen直接控,仲可以利用Joy-Con嘅IR Camera做熱源追蹤!仲可以一機雙打,你可以砌offensive啲又得,砌defensive啲又得。

第二樣係Fishing Rod,之前都講過就有啲似VR釣魚game,不過望住個screen咁解。你唔係真係以為就咁完呀?佢個海底係有生態,你釣緊條細魚嘅時候,係有機會有大魚走過嚟食,變相你就釣咗條大魚。你釣完魚係可以用Toy-Con Piano轉做水族館模式,睇返你釣過嘅魚。同場加映,你係可以自己剪啲魚出嚟(,不過唔知係咪求其攞張紙就得)。
第三樣係House,屋裡面會有隻成個波咁嘅生物,所以最簡單你左右搖部機隻嘢就會碌嚟碌去、上下搖就會彈彈下咁。之後就要介紹幾個Block,第一個係Button Block,用嚟開燈熄燈、第二個係Crank Block,用嚟氹隻嘢訓教、第三個係Key Block,用嚟浸咗半間屋ww、最後係Cable Block,用嚟開Portal。睇落好簡單呀可,但你同時插兩個Block、將佢插喺唔同位置(total三個位)就會有唔同效果/小遊戲。

第四樣係Motorbike,你個Toy-Con就會等如電單車嘅車頭,即係成個動作就等如揸緊一部真嘅電單車,可以揀第一身/第三身視覺,除咗飄移、加速呢啲基本嘢,仲可以升起架車剩係用尾轆行。未完呀,仲有兩個玩法,你可以利Joy-Con個IR Camera scan你隻手去整一個地形出嚟,仲可以用minibike去畫賽道,個賽道幾時有boost、會唔會有水呢啲都可以自定義。

最後一樣係Piano,有最基本嘅Do Re Mi Fa So La Ti Do',你搖部機個音就會變震音同怪音ww。除咗最基本嘅tone之外,仲有三個tone俾你換包含Cat、Choir 、Grandpa。另外有個Acoustic Mode,係用你個Joy-Con嘅震動去發聲。啲聲係點、last幾耐、有幾大回音等等都可以自定義,仲可以自製Waveform同Rhythm Card去改個聲同自製旋律,仲有指揮棒俾你玩ww!


第三條片係Toy-Con 02 Robot Kit,Robot成件事分4 part,Visor、Main Body、Robot Shoes同Robot Arms,最基本動作有打同行,記住你唔係控緊個機械人,你自己本身就係個機械人。除咗打同行,仲有得飛同變車(,咁咪即係Transfomer lol)。拍個Visor落嚟就會變成第一身視覺。仲有個變大mode!另外有個Challenge Mode,可以做集氣拳同旋風腿。成個機械人嘅顏色都可以自定義。有個叫Robo Studio個功能,做唔同動作就有唔同嘅聲。重點,有得對打!

都係嗰句啦,任天堂呢次真係無得輸,重點係佢又唔會特別貴,大人細路都啱玩,而且NS已經算係解決咗Wii U嗰陣無第三廠支持嘅問題,當然你要好靚畫質唔該揀PS4,不過如果你仲諗緊買唔買NS,而個考慮唔覺得佢貴而係驚無game玩/啲game同PS4會好重疊嘅,你買啦,唔會架!

留言


請按此登錄後留言。未成為會員? 立即註冊
    快捷鍵:←
    快捷鍵:→